សហជីពព្រមានធ្វើមហាបាតុកម្មជាថ្មី

ភ្នំពេញ — តំណាងសហជីពកម្មករធំៗចំនួន១៦ក្នុងប្រទេសកម្ពុជាបានព្រមានកាលពី ថ្ងៃច័ន្ទថានឹងដឹកនាំធ្វើមហាបាតុកម្មលក្ខណៈទ្រង់ទ្រាយធំសារ ជាថ្មីម្តងទៀតប្រសិនណាបើរដ្ឋាភិបាលមិនព្រមដោះលែងសកម្មជនសហជីព ទាំង២១នាក់និងដំឡើងប្រាក់ខែដល់ក្រុមកម្មករឱ្យបាន១៦០ដុល្លារ ក្នុងមួយខែ។

ការព្រមានរបស់ក្រុមតំណាងសហជីពកម្មករបានកើតមានឡើងព្រមគ្នានិង ការទាមទារពីអង្គការឃ្លាំមើលការរំលោភសិទ្ធិមនុស្សរបស់សហរដ្ឋ អាមេរិក Human Rights Watch គណៈកម្មការសិទ្ធិមនុស្សអាស៊ីដែលមានមូលដ្ឋាននៅក្នុងទីក្រុងហុង កុង និង អង្គការសិទ្ធិមនុស្សក្នុងស្រុកបានចេញសេចក្តីថ្លែងការណ៍ផ្សេងៗ គ្នាឱ្យដោះលែងសកម្មជនសហជីពនិងកម្មករទាំង២១នាក់ដែលកំពុងជាប់ មន្ទីរឃុំឃាំងម៣ត្រពាំងថ្លុង។

លោក រ៉ុង ឈុន ប្រធានសហភាពសហជីពកម្ពុជាបានបញ្ជាក់ប្រាប់ក្រុមអ្នកកាសែតនៅពីមុខ ព្រះអង្គដងកើកាលពីថ្ងៃច័ន្ទ ទី១០ មករា ២០១៤ ថាបើការទាមទារដំឡើងប្រាក់ខែឱ្យបាន១៦០ដុល្លារក្នុងមួយខែនិង ដោះលែងអ្នកទាំង២១នាក់មិនទទួលបានជោគជ័យទេនោះសហជីពទាំង១៦នឹង ដឹកនាំធ្វើមហាបាតុកម្មសារជាថ្មី។ (ហេង រស្មី វីអូអេ)

តំណាងសហជីពទាំង១៦បានជួបប្រជុំគ្នាក្នុងសណ្ឋាគារមួយក្នុងក្រុង ភ្នំពេញដើម្បីទាមទារឱ្យដំឡើងប្រាក់ខែដល់ក្រុមកម្មករឱ្យបាន១៦០ ដុល្លារនិងដោះលែងសកម្មជនសហជីពនិងក្រុមកម្មករដែលកំពុងជាប់ឃុំនៅ សេសសល់២១នាក់ផ្សេងទៀត។ (មើលរូបថត)

ក្នុងពេលដែលតំណាងសហជីពទាំង១៦បានជួបប្រជុំគ្នានៅក្នុងក្រុង ភ្នំពេញសហជីពផ្សេងៗទៀតបានធ្វើពិធីដូចគ្នានេះដែរនៅចំនួនជាង៣០០ កន្លែងនៅទូទាំងប្រទេសដោយធ្វើពិធីបង្ហោះប៉េងប៉ោងនិងលែងកូនចាប ចំនួន២១ដែលតំណាងអ្នកដែលជាប់ពន្ធនាគារទាំង២១នាក់។

ក្រុមតំណាងសហជីពបន្ទាប់ពីបានបញ្ចប់ការជួបប្រជុំក្នុងសណ្ឋាគារបាន ដើរដង្ហែរក្បួនដោយសន្តិវិធីឆ្ពោះទៅកាន់ព្រះអង្គដងកើដើម្បីបួង សួងសុំឱ្យដោះលែងអ្នកទាំង២១នាក់ដែលកំពុងជាប់ឃុំ។

ក្រុមអ្នកចូលរួមក្បួនដង្ហែរដោយមានព្រះសង្ឃ២១អង្គនាំមុខបាន កាន់រូបថតលោក វន់ ពៅ និង កាន់បដា ប៉េងប៉ោង និង បិទស្ទីកឃើដែលមានសរសេរពាក្យ១៦០ដុល្លារនៅហ្នឹងអាវរបស់ពួកគេ។

គ្មានការប៉ះទង្គិចណាមួយត្រូវបានកើតឡើងទេបើទោះបីជាមានកង កម្លាំងមានសមត្ថកិច្ចជាច្រើននាក់បានដាក់ពង្រាយតាមចំណុចសំខាន់ៗ មួយចំនួនក៏ដោយ។

លោក រ៉ុង ឈុន ប្រធានសហភាពសហជីពកម្ពុជាបានបញ្ជាក់ប្រាប់ក្រុមអ្នកកាសែតនៅពីមុខ ព្រះអង្គដងកើថាបើការទាមទារដំឡើងប្រាក់ខែឱ្យបាន១៦០ដុល្លារក្នុង មួយខែនិងដោះលែងអ្នកទាំង២១នាក់មិនទទួលបានជោគជ័យទេនោះសហជីពទាំង ១៦នឹងដឹកនាំធ្វើមហាបាតុកម្មសារជាថ្មី។

លោកនិយាយថា៖ «បើគ្មានការដោះលែងគ្មានការដំឡើងប្រាក់ឈ្នួលជូនដល់កម្មករ កម្មការីនីទេពេលខាងមុខដ៏ខ្លីនេះនិងធ្វើមហាកូដកម្មទូទាំងប្រទេស កម្ពុជា»។

ក្រុមតំណាងសហជីពចំនួន៩កាលពីខែមករាបានដឹកនាំធ្វើមហាបាតុកម្ម ម្តងនៅទីលានប្រជាធិបតេយ្យក៏ប៉ុន្តែត្រូវបានកងកម្លាំងមានសមត្ថកិច្ច បានវាយបង្ក្រាបដោយអំពើហិង្សាដែលបានបណ្តាលឱ្យមានមនុស្សជាច្រើន នាក់បានរងរបួស។

លោក អាត់ ធន់ ប្រធានសហព័ន្ធសហជីពប្រជាធិបតេយ្យកម្មករកាត់ដេរកម្ពុជាបានបញ្ជាក់ថា ការទាមទារនៅថ្ងៃនេះមិនមែនតែក្នុងប្រទេសកម្ពុជាទេនៅតាមបណ្តា ប្រទេសផ្សេងៗទៀតក្នុងពិភពលោកក៏បានប្រារព្វពិធីនេះដូចគ្នា ផងដែរ។

លោក អាត់ ធន់ បានបញ្ជាក់ថាពេលវេលានេះជាពេលល្អមួយដែលរដ្ឋាភិបាលត្រូវតែរកដំណោះស្រាយ។

លោកនិយាយថា៖ «ពេលនេះជាពេលវេលាល្អសម្រាប់រដ្ឋាភិបាលដើម្បីដោះស្រាយបញ្ហា៧ ចំណុចរបស់យើង។ បើសិនជាឱ្យកម្មករនៅក្នុងប្រទេសយើងផ្ទុះឡើង កូដកម្មឡើងវិញបានន័យថាវាពិបាកទាំងអស់គ្នាមែនទេ?»។

សភាព្រហ្មទណ្ឌសាលាឧទ្ធរណ៍នៅថ្ងៃអង្គារស្អែកនេះនឹងបើកសវនាការ ជំនុំជម្រះបណ្តឹងស្នើសុំឱ្យនៅក្រៅឃុំរបស់តំណាងសហជីពនិងក្រុម កម្មករ២១នាក់បន្ទាប់ពីបានជាប់ឃុំឃាំងអស់រយៈពេលជាង១ខែ៕

google ads