' Samsung ដាក់បង្ហាញទូរទស្សន៍ អេក្រង់យក្ស ធំជាងគេបំផុត លើលោក (មាវីដេអូ)

ពេលថ្មីៗនេះក្រុមហ៊ុនអេឡិចត្រូនិច Samsung បានដាក់ បង្ហាញទូរទស្សន៍អេក្រង់យក្សធំ ជាងគេបំផុតនៅលើពិភព លោក ដែលមានទំហំរហូតដល់ទៅ 110-inch ពីជ្រុងកែងទៅ ជ្រុង កែងមួយទៀត ព្រមទាំងមានកំរិត ច្បាស់ជាងទូរទស្សន៍ HD TV ដល់ទៅ៤ដងឯណោះ។ ក្រុមហ៊ុន Samsung បាន ដាក់បង្ហាញ ទូរទស្សន៍អេក្រង់យក្សនេះនៅប្រទេសកូរ៉េខាង ត្បូង ព្រមជាមួយតំលៃរហូតដល់ទៅ 160 លានវ៉ន (ប្រហែល 164,950 ដុល្លារអាមេរិក)។ នេះជាភាពជោគជ័យមួយរបស់ ក្រុមហ៊ុន ដែលអាចផលិតទូរទស្សន៍អេក្រង់យក្សធំយ៉ាងនេះ ហើយមានកំរិតច្បាស់ជាងទូរទស្សន៍ ប្រភេទ U-HDTV (Ultra-High Definition Television) ទៅទៀត។ ទូរទស្សន៍ នេះមានប្រវែង 102-inch និងមានកំពស់ 70-inch ធំជាង គ្រែរបស់ស្តេចទៅទៀត ហើយក្រុមហ៊ុន Samsung គ្រោង នឹងដាក់លក់ទូរទស្សន៍អេក្រង់ យក្សនេះនៅប្រទេសចិន និងតំបន់អ៊ឺរ៉ុបនាពេលឆាប់ៗខាងមុខ។