អ្នកសិល្ប: វ័យ ៥៨ឆ្នាំ ថាចង់មានកូន ជាមួយសង្សារ យុវតីសិស្សសាលា វ័យ ១៨ឆ្នាំ របស់គាត់

តៃវ៉ាន់៖ ក្រោយពីការណាត់ជួបគ្នា អស់រយ:ពេល ២ឆ្នាំ នៃគូសង្សារខុសវ័យ រវាងអ្នកនិពន្ធទំនុកច្រៀងតៃវ៉ាន់ វ័យ ៥៨ឆ្នាំ លោក លី គុនឆេង និងយុវតីសិស្សសាលា វ័យ១៨ឆ្នាំ នាង លីន ជីងអ៊ែន រួចមក កាលពីពេលថ្មីៗនេះ លោក លី បានប្រកាសប្រាប់ដល់ប្រព័ន្ធផ្សព្វផ្សាយ ឲ្យបានដឹងជាសាធារណ:ថា លោកចង់ រៀបការនៅខែវិច្ឆិកា ឆ្នាំក្រោយនេះ ពេលដែលសង្សារក្មេងខ្ចីរបស់លោក ឈានចូលអាយុ ២០ឆ្នាំ។ លោក លី បានប្រាប់ថា លោក មានបំណងចង់មានកូន ក្រោយពីរៀបការរួច ហើយរូបលោក ធានាខ្លួនឯងថានៅមានសុខភាពល្អនៅឡើយ ស្របពេលដែល លោក លី មានកូនប្រុសម្នាក់រួចហើយ ជាមួយអតីតភរិយារបស់លោក ហើយលោក លី ក៏សង្ឃឹមថាលើកនេះ នឹងបានកូនស្រី វិញម្តង។ ពួកគេនឹងទៅក្រេបទឹកឃ្មុំនៅប្រទេសជប៉ុន ព្រោះ ជីងអ៊ែន នាងមានការស្រលាញ់ចូលចិត្តនឹងវប្បធម៌ប្រទេសជប៉ុន។ គាត់ក៏បានបញ្ជាក់ប្រាប់ អ្នកយកព័ត៌មានដែរថា លោកមិនដែលមានទំនាក់ទំនងផ្លូវភេទ ជាមួយនាងទេ មុនពេលនាងអាយុ ១៨ឆ្នាំ។ យ៉ាងណាមិញ អ្វីដែលជាឧប្បសគ្គធំបំផុត រវាងអ្នកទាំងពីរនោះ គឺឪពុកខាងស្រី ដែលមិនពេញចិត្ត នឹងឲ្យកូនស្រីខ្លួន រៀបការនឹងលោក លី ហើយម្យ៉ាងវិញទៀត លោក លី និងឪពុកនាង ធ្លាប់ជាមិត្តសម្លាញ់នឹងគ្នាថែមទៀតផង។ ការមិនពេញចិត្ត ជំទាស់ទំនាក់ទំនងរវាងពួកគេទាំងពីរ ដោយឪពុកខាងស្រី កើតមានឡើង ក្រោយពេលដែល ប្រព័ន្ធផ្សព្វផ្សាយ បានចុះផ្សាយមិនល្អ អំពីពួកគេរួចមក។ ក្រៅពីនោះទៀត មហាជនក្នុងសង្គម ក៏មិនពេញចិត្តនឹងស្នេហាបែបនេះ របស់ពួកគេផងដែរ៕ ចុះប្រិយមិត្តខ្មែរឡូត មានមតិយល់ឃើញ យ៉ាងណាដែរ?